Երևանի Ալիխանյան եղբայրներ փողոցի 6/1 հասցեում, որն առավել հայտնի է «Ֆիզիկայի գորոդոկ» անունով, բողոքի ակցիա է իրականացվում՝ ընդդեմ այդ տարածքում բարձրահարկ շենքի կառուցման աշխատանքների։ Բնակիչները պնդում են, որ բարձրահարկ շենքի կառուցման աշխատանքներն օրինական չեն։
Ակցիա իրականացնող քաղաքացիներից մեկը լրագրողների հետ զրույցում հայտարարեց, որ հուշարձանային տարածքը վնասվում է, ուստի, իրավապահները պետք է ուսումնասիրեն՝ արդյոք կառուցապատումն իրավաչափ է, թե ոչ։
«Դիմել եմ ոստիկանություն, քարտեզը տվել եմ, հիմա՝ կառուցապատողը չի տալիս, ասում է՝ գաղտնի է»,- նշեց նա՝ հավելելով, որ թաղամասը նորահայտ հուշահարձանների ցանկում ընդգրկված է, բոլորի հարստությունն է։
Բողոքի ակցիայի ընթացքում իրավիճակը լարվեց։ Ոստիկանության ծառայողները բերման են ենթարկել ակցիայի երեք մասնակցի։