ԱԺ նիստերի դահլիճում իրավիճակը շարունակում է լարված մնալ։ Այս մասին տեղեկանում ենք «Հայաստան» խմբակցության պատգամավոր Ագնեսա Խամոյանի հրապարակած տեսանյութից։
Կադրերում երևում է՝ ինչպես են նիստերի դահլիճում ընդդիմադիր և իշխանական պատգամավորները շարունակում շշեր նետել միմյանց վրա։ Ընդդիմադիր պատգամավորները նաև վանկարկում են «Նիկո՛լ, դավաճան», իսկ իշխանական պատգամավորները վանկարկում են «մարդասպան»։
Պատգամավորների միջև իրավիճակն անընդհատ լարվում է, իսկ ԱԺ նախագահ Ալեն Սիմոնյանը հորդորում է պատգամավորներին հանգստանալ։
Նշենք, որ ԱԺ-ում իրավիճակը կրկին լարվեց «ՔՊ» պատգամավոր Հայկ Սարգսյանի ելույթից հետո։ Նրա խոսքերից ընդդիմադիր պատգամավորները վրդովվեցին և շշեր նետեցին։