ամացանցում տեսանյութ է տարածվել, թե ինչպես են ադրբեջանցի ոստիկանները հսկում Որոտանի ճանապարհը։ Տեսանյութում երևում է թշնամու ոստիկանական հենակետը՝ Գորիս-Կապան ճանապարհի օկուպացված հատվածում։
Դեռևս օգոստոսի վերջին ադրբեջանցիները փակել էին Գորիս-Կապան միջպետական մայրուղին։ Այդ օրերին մի շարք հասարակական-քաղաքական գործիչներ կանխագուշակում էին, որ Նիկոլ Փաշինյանը համաձայնություն է տվել ադրբեջանցիների կողմից օկուպացված ճանապարհի այդ հատվածում ոստիկանական արգելափակոցներ տեղակայելու։ Որոշ ժամանակ անց Ադրբեջանը համաձայնեց ապաշրջափակել ավտոմայրուղին։
Այսօր արդեն հաստատվեց այն, ինչի մասին օգոստոսին խոսվում էր կանխագուշակումների մակարդակով։ Քաղաքագետ Անդրանիկ Հովհաննիսյանը տելեգրամյան էջում գրել է, որ Նիկոլ Փաշինյանի դավաճանական ռեժիմի ներկայացուցիչներն ու կամակատարներն ամեն կերպ ժխտում էին Փաշինյան-Ալիև գաղտնի պայմանավորվածությունը՝ ապօրինի հենակետեր տեղակայելու մասին։
Քաղաքագետը հիշեցրել է, որ ԱԱԾ սահմանապահ զորքերի հրամանատար, գնդապետ Արման Մարալչյանն օգոստոսի 28-ին պաշտոնապես հայտարարել էր՝ ճանապարհը բացվել է, երթեւեկությունը վերականգնվել է բոլոր տեսակի տրանսպորտային միջոցների համար։
Սեպտեմբերի 12-ին ԱԱԾ-ն հաղորդագրությամբ հայտարարեց, որ ժամը 12։00-ից Գորիս-Կապան միջպետական ճանապարհի Որոտան բնակավայրի մոտ օկուպացված հատվածում՝ Ադրբեջանի ոստիկանության կողմից իրականացվում է իրանական պետհամարանիշներով բեռնատարների վարորդների ու բեռի փաստաթղթերի ստուգում։ Ընդ որում՝ ԱԱԾ-ն օգտագործել էր տեղանքի ադրբեջանական անվանումը։