Ռուս խաղաղապահները պարեկություն են իրականացրել Ասկերանի, Բերձորի, Մարտունու, Մարտակերտի և Շուշի շրջաններում գտնվող հինգ երթուղիներում՝ Արցախի սահմանազատման գծի երկայնքով ձգվող ռուսական խաղաղապահ զորախմբի պատասխանատվության գոտում: Այդ մասին հաղորդագրություն է տարածել ՌԴ ՊՆ-ն:
Ըստ ՌԴ ՊՆ-ի, ռուսական խաղաղապահ զորախմբի զինծառայողները շարունակում են իրենց պատասխանատվության գոտում գտնվող կողմերի սահմանազատման գծում հրադադարի ռեժիմի պահպանման մոնիթորինգի, ինչպես նաև Բերձորի միջանցքով տրանսպորտային միջոցների անվտանգության, սննդի և տարբեր ապրանքների փոխադրման ապահովումը:
«Ամեն օր ավելի քան 200 միավոր ավտոմոբիլ և զրահամեքենաներ են ներգրավվում Արցախի Հանրապետությունում խաղաղապահ առաջադրանքների կատարման մեջ»,- բացատրել է Ռուսաստանի խաղաղապահ զորախմբի ներկայացուցիչ Իլյա Իվանովը:
Քսանյոթ դիտակետերում ռուս խաղաղապահները իրավիճակի և հրադադարի ռեժիմի պահպանման նկատմամբ շուրջօրյա վերահսկողություն են իրականացնում: