Սեպտեմբերի 21-ի հետ կապված մեր նախարարությունում պարգևավճարների հետ կապված որևէ նոր բան չի արվել: Լրագրողների հետ զրույցի ժամանակ ասաց ԿԳՄՍ նախարար Վահրամ Դումանյանը:
«Պարգևավճարներ ստանում են նույն ռեժիմով, ինչ ռեժիմով ստացել են մինչև սեպտեմբերի 21-ը: Դա պարգևավճար մի համարեք, դա հավելավճար է: Խնդրում եմ այս հարցը մի՛ շահարկեք: Մի՛ զարմացեք լրավճար, հավելավճար ստանալու թեմայից: Մի՛ մանիպուլացրեք:
Ամեն անգամ, որ արևը ծագում ու մայր է մտնում զարմանու՞մ եք»,-նշեց Վահրամ Դումանյանը:
Վերջինս նշեց, որ տեղյակ չէ՝ անկախության 30-ամյակի կապակցությամբ մանկավարժները պարգևավճար ստացել են, թե ոչ:
Նախարարի խոսքով գուցե ինչ-որ բուհ իր դասախոսներին տվել է հավելավճար.
«Շատ հաճելի կլինի, որ միջոցներն այնքան լինեն, որ բոլոր աշխատողներին հավելավճար տան այնքան, որ բոլորը բավարարվածության զգացում ունենան»,-ասաց նախարարը: