Գործադիրը մերժեց ընդդիմադիր պատգմավոր Վահե Հակոբյանի՝ սահմանամերձ բնակավայրերի բնակիչներին զենք տրամադրելու առաջարկը։
Նախագծով առաջարկվում էր սահմանային գոտու բնակիչներին ինքնապաշտպանության նպատակով տրամադրել Հայաստանի Հանրապետության կառավարության որոշմամբ սահմանված կարգով և տեսակի զենք՝ մարտական գործողություններով պայմանավորված արտակարգ կամ ռազմական դրության իրավական ռեժիմ հայտարարելու դեպքում։
Կառավարությունն առաջարկը մերժելը հիմնավորել է այսպես․ «Հայաստանի Հանրապետությունում սահմանամերձ բնակավայրերի բնակիչներին ինքնապաշտպանության նպատակով զենք զենք մարտական գործողություններով պայմանավորված արտակարգ կամ ռազմական դրության իրավական ռեժիմ հայտարարելու դեպքում սահմանային գոտու բնակիչներին ինքնապաշտպանության նպատակով տրամադրվում է Հայաստանի Հանրապետության կառավարության որոշմամբ սահմանված կարգով և տեսակի զենք»։
Սահմանային գոտու բնակավայրերի՝ մարտական գործողությունների և տարերային աղետների արդյունքում տուժած ընտանիքներին միանվագ նպաստ չի տրամադրվի։ Կառավարությունը մերժեց վերոհիշյալի մասին ընդդիմադիր պատգամավոր Վահե Հակոբյանի առաջարկը։
Գործադիրը բավարար է համարել Ադրբեջանի Հանրապետության կողմից Սյունիքի մարզում սանձազերծված ռազմական ագրեսիայի հետևանքով սահմանամերձ բանկավայրերի բնակիչների համար սահմանված արտոնությունները․
««Պետական աջակցություն սահմանամերձ համայնքներին» միջոցառմամբ նախատեսվել է հատկացնել 1,155,2 մլն դրամ՝ սահմանամերձ 23 համայնքների 81 բնակավայրերի ընտանիքներին։ Այս հիմնավորումներով գործադիրը որոշել է, որ սահմանային գոտու բնակավայրերի բնակիչներին արտոնությունների և օժանդակության տրամադրման վերաբերյալ նոր իրավական ակտի ընդունման անհրաժեշտություն չկա»։
Այսպես հիմնավորելով առաջարկի մերժումը՝ գործադիրը հիշեցրել է, որ նպաստի հետ կապված հարաբերությունները կարգավորման են ենթակա «Պետական նպաստների մասին» օրենքով: