Անհասկանալի համազգեստով ինչ-որ մարդիկ մուտք են գործել ՀՀԿ երիտասարդական կազմակերպության նախագահ Հենրիխ Դանիելյանի բնակարան և նրան տարել անհայտ ուղղությամբ։ Այդ մասին հայտնում է փաստաբան Բենիկ Գալստյանը։
«Այսօր՝ ժամը 07:15-ին ոստիկանության աշխատակից ներկայացած առանց տարբերանշանների ինչ-որ անհասկանալի համազգեստով անձինք խաբեությամբ՝ խուզարկություն կատարելու պատրվակով մուտք են գործել ՀՀԿ երիտասարդական կազմակերպության նախագահ Հենրիխ Դանիելյանի բնակարան և նրան տարել անհայտ ուղղությամբ։
Մինչ այս պահը փորձում եմ պարզել Հենրիխի գտնվելու վայրը»,- նշվում է նրա գրառման մեջ։