Երեւանում այսօր տեղի ունեցած անհնազանդության ակցիաների ժամանակ թեթեւ վնասվածք է ստացել ՀՀ երկրորդ նախագահ Ռոբերտ Քոչարյանի որդին՝ Լեւոն Քոչարյանը։
Նկատենք, որ նա այսօր մասնակցել է վաղ առավոտյան տեղի ունեցած անհնազանդության ակցիաներին՝ փակելով ճանապարհը։ Ոստիկանները բիրտ ուժի գործադրմամբ բերման են ենթարկել ակցիայի մասնակիցներին։ Լ.Քոչարյանը հայտնել է, որ ինքը եւս բերման է ենթարկվել, իսկ մինչ այդ տեսախցիկները ֆիքսել են, որ նա թեթեւ վնասվածք է ստացել։ Լսվում է նաեւ նրա ձայնը՝ «սրանց էությունը էս է, բայց դա մեզ չի խանգարում», – ասում է նա։