Վերջին շաբաթներին Հայաստանում գրանցվում է կորոնավիրուսի դեպքերի աճ:Մենք մեր ծավալման պլանը հստակ ունենք, պիտի շարժվենք ըստ համաճարակային իրավիճակի, մշտադիտարկումն ամենօրյա ռեժիմով իրականացվում է: Այս մասին լրագրողների հետ զրույցում ասել է Առողջապահության նախարար Անահիտ Ավանեսյանը.
«Մեր մասնագիտական խորհուրդն իր քաղաքականության մեջ որոշակի փոփոխություններ կանի, մենք պատրաստ ենք հաջորդիվ ալիքներին»,-ասաց Ավանեսյանը:
Նա ասաց, թե այս պահին ճամփորդությունների սահմանափակումների հարց այս պահին չկա:
«Բոլոր այդ սահմանափակող միջոցառումները ժամանակավոր բնույթ կարող են կրել, անընդհատ նույն շրջապտույթի մեջ դժվար է լինել: Չեմ ուզում կանխատեսումներ անել, բոլոր սահմանափակող միջոցառումները կախված են համաճարակային իրավիճակից, եթե համաճարակային իրավիճակը սրվի, իհարկե, մենք բոլոր գործիքակազմն օգտագործելու ենք՝ պայքարելու հիվանդացության դեմ», – հայտարարեց Անահիտ Ավանեսյանը: