Միքայել Արզումանյանի հետ կատարվածին շատ վատ եմ վերաբերվում, չէր կարելի նրա հետ այդպես վարվել, պետք է այդ հարցով զբաղվել ու արդարություն վերականգնել: «Փաստինֆո»-ի հետ զրույցում ասել է Արցախի ԱԺ պատգամավոր Ռուսլան Իսրայելյանը՝ անդրադառնալով Արցախի ՊԲ նախկին հրամանատար Միքայել Արզումանյանի կալանավորմանը.
«Ես այդ հարցերով զբաղվում են, մինչև չունենամ ստույգ ինֆորմացիա, որևէ կարծիք չեմ արտահայտի, բայց Միքայել Արզումանյանն իմ մարտական ընկերն է, եղել է մեր հրամանատարը պատերազմի ժամանակ, չեմ կարծում, որ կարելի էր նրա հետ այդպես վարվել»,-ասաց նա:
Իսկ թե ի՞նչպես է փորձում այդ հարցով զբաղվել՝ Ռուսլան Իսրայելյանն ասաց.
«Ես ստույգ ամեն ինչ կիմանամ, նոր կխոսեմ, փորձում եմ մանրամասներ իմանալ ու հասկանալ՝ ի՞նչ է կատարվում»:
Նա չցանկացավ պատասխանել մեր մյուս հարցերին:
Ավելի վաղ հայտնել էինք, որ Արցախից Երևան գալու ճանապարհին, երեկ բերման էր ենթարկվել ու ձերբակալվել Արցախի Պաշտպանության բանակի նախկին հրամանատար, Արցախի նախագահի գլխավոր խորհրդական Միքայել Արզումանյանը, վերջինս մեղադրվում է Շուշի քաղաքի և հարակից շրջանների պաշտպանության կազմակերպման ընթացքում անփույթ վերաբերմունք դրսևորելու և իր ծառայողական պարտականությունները ոչ պատշաճ կատարելու համար:Ավելի վաղ հայտնել էինք, որ Արցախից Երևան գալու ճանապարհին վերջերս բերման էր ենթարկվել ու ձերբակալվել Արցախի Պաշտպանության բանակի նախկին հրամանատար, Արցախի նախագահի գլխավոր խորհրդական Միքայել Արզումանյանը, վերջինս մեղադրվում է Շուշի քաղաքի և հարակից շրջանների պաշտպանության կազմակերպման ընթացքում անփույթ վերաբերմունք դրսևորելու և իր ծառայողական պարտականությունները ոչ պատշաճ կատարելու համար: Արցախի ՊԲ նախկին հրամանատարը երեկ կալանավորվել է:
Հիշեցնենք, որ Ռուսլան Իսրայելյանի Արցախի նախագահ Արայիկ Հարությունյանի մասնակցությամբ 2020թ-ին հրապարակված սկանդալային ձայնագրության մյուս մասնակիցն է: Ձայնագրության մեջ Արայիկ Հարությունյանը վերջինիս դժգոհում էր, որ արդեն 10 օր է՝ Հայաստանից օգնություն են խնդրում, բայց որևէ օգնություն այդպես էլ չի գալիս:
«Փաստինֆո»-ն փորձում է իրավապահներից պարզել, թե քրեաիրավական ինչ ընթացք է ստացել պատերազմի ժամանակ Հայաստանի ռազմաքաղաքական իշխանության կողմից Արցախին օգնություն չցուցաբերելը։