Ադրբեջանը կրկին հող է նախապատրաստվում Հայաստանի կամ Արցախի դեմ հերթական սադրանքի համար։ 7-րդ օրն է, ինչ անընդմեջ այդ երկրի պաշտպանության նախարարությունն ակնհայտ սուտ տեղեկություններ է տարածում, թե, իբր, հայկական ԶՈՒ ստորաբաժանումները կրակ են բացել ադրբեջանական դիրքերի ուղղությամբ։
Իրականում, հենց ադրբեջանական ստորաբաժանումներն են այս ամբողջ ընթացքում կրակ բացել հայկական դիրքերի ուղղությամբ, որի հետևանքով սեպտեմբերի 5-ի երեկոյան հայ-ադրբեջանական սահմանագոտու արևելյան հատվածում տեղակայված մարտական դիրքում թշնամու արձակած կրակոցից մահացու հրազենային վիրավորում է ստացել պարտադիր ժամկետային զինծառայող, կրտսեր սերժանտ Արման Գագիկի Սարգսյանը (ծնված 2002թ.):
Սեպտեմբերտ 8-ի գիշերը եւս ադրբեջանցիները կրակել են հայ-ադրբեջանական սահմանագոտու հարավարևելյան հատվածում տեղակայված հայկական մարտական դիրքերի ուղղությամբ: