«Հետո էլ, պարոն Մամիջանյան, այստեղից հայտարարում եք, թե երբ կանչը հնչի, կգա գործելու ժամանակը։ Պարոն Մամիջանյան, ես կխնդրեմ էդքան պաթոսով չարտահայտվել և վայբերի SMS-ներին կանչ չանվանել, որովհետև բոլորս էլ գիտենք, թե ձեր կանչ կոչվածը ինչի հետ եք, ինչ SMS-ների հետ եք, որ, ամենայն հավանականությամբ, վայբերով եք ստանում և ես վստահ եմ, որ մեր հայրենակիցների բացարձակ մեծամասնությունը գիտի, թե աշխարհագրական որ կետից եք ստանում այդ կանչերը»։ Այս մասին քիչ առաջ Ազգային ժողովի ամբիոնից հայտարարեց իշխող «Քաղաքացիական պայմանագիր» խմբակցության պատգամավոր Վահագն Ալեքսանյանը՝ դիմելով «Պատիվ ունեմ» խմբակցության ղեկավար Հայկ Մամիջանյանին։
«Էստեղ ոչ ձեր կանչերից վախեցող կա, ոչ ձեր արյունռուշտ կոչերից վախեցող կա, ոչ էլ առհասարակ ձեզնից վախեցող կա։ Ու սա կարող եք թարգմանել ու վայբերով հետ ուղարկել»,- ասել Ալեքսանյանը։