Ահաբեկչական պետություն հանդիսացող Ադրբեջանի կողմից հայտարարվել է, թե Արցախի հանրապետության նախկին նախագահ Արայիկ Հարությունյանի պաշտպանությունը կիրականացնի ադրբեջանցի փաստաբան Ալով Սաֆարալիևը, որն էլ արդեն նշել է, թե Հարությունյանի շահերը կպաշտպանվեն Ադրբեջանի օրենքներին և միջազգային կոնվենցիաների պահանջներին համապատասխան։
Նա հայտարարել է, որ ներկա է եղել Արայիկ Հարությունյանի հարցաքննությանը. «Նրա առողջական ու հոգեբանական վիճակը լավ է, կարող եմ միայն ասել, որ նրա ասածը կօգնի լույս սփռել բազմաթիվ հարցերի վրա, մենք նրա պաշտպանությունը կիրականացնենք ըստ Ադրբեջանի օրենսդրության և միջազգային կոնվենցիաների պահանջի»։