Այն, որ Արշակ Կարապետյանն այս իշխանություններին դավաճան է համարում՝ դա որոշակի նորություն էր, հաշվի առնելով, որ 44-օրյա պատերազմից հետո և դրանից առաջ՝ որպես Փաշինյանի խորհրդական՝ եղել է այս քաղաքական թիմի անդամ։ Այս մասին այսօր ճեպազրույցի ընթացքում ասաց «Պատիվ ունեմ» խմբակցության քարտուղար Տիգրան Աբրահամյանը։
«Նա նաև երկար ժամանակ աշխատել է Պաշտպանության նախարար։ Նման հայտարարություն ոչ ընթացքում է արել, ոչ դրանից առաջ կամ հետո, թե նրա մոտ նոր գաղափարներ են ծնվել, թե ինչո՞ւ է որոշել իրական գնահատակաները հիմա հնչեցնել՝ երկրորդական հարց է»։
Անդրադառնալով Ռուբեն Վարդանյանի ձերբակալման հետ կապված Կարապետյանի բացահայտումներին՝ նա նշեց, որ Հայաստանի իշխանությունների վարքագծից ու քաղաքական կուրսից ելնելով՝ չի կարելի բացառել նման իրավիճակը, բայց եթե կան փաստեր, ապա Կարապետյանը պետք է ավելի բաց ու մանրամասն ներկայացնի դրանք։
«Ամեն դեպքում՝ տարօրինակ է, որ նախկին Պաշտպանության նախարարը մինչև հիմա լռել է, նույնիսկ իրեն պաշտոնանկ անելուց հետո չի մանրամասնել, թե ինչու է պաշտոնանկ արվել։
Այս տեսանկյունից իրավիճակի տերն ինքն է ու մանրամասները ինքը պետք է ներկայացնի։ Ես չեմ մտնի իր ու Փաշինյանի հարաբերությունների մեջ, եթե ունի փաստեր՝ թող հանրայնացնի»։