Եվրամիությունը չի կարողանա դուրս մղել Մոսկվային Կենտրոնական Ասիայից և Անդրկովկասից, հայտարարել է արտգործնախարար Սերգեյ Լավրովը՝ մեկնաբանելով արևմտյան լրատվամիջոցների հրապարակումները, որոնք Ղազախստանն անվանել են Ռուսաստանի «հետնաբակ»։ Այս մասին հայտարարել է ՌԴ ԱԳ նախարար Սերգեյ Լավրովը հեռուստալրագրող Պավել Զարուբինին տված հարցազրույցում․ փոխանցում է ՌԻԱ Նովոստին։ «Եվրամիությունը չի թաքցնում իր մտադրությունները՝ մեզ ամեն կերպ զսպելու, Կենտրոնական Ասիայից և Անդրկովկասից մեզ դուրս մղելու մտադրությունները, բայց չի ստացվի»,- ասել է Լավրովը։ Լավրովն ընդգծել է, որ Ռուսաստանը պատմականորեն գտնվում է այդ տարածաշրջաններում և ոչ մի տեղ չի անհետանա այնտեղից։ Նրա խոսքով՝ Մոսկվայի դաշնակիցներն ու գործընկերները դա շատ լավ գիտեն։
- Լրահոս
- Թրենդային
