ՀՀ հակակոռուպցիոն դատարանը վարույթ է ընդունել ՀՀ գլխավոր դատախազության հայցադիմումը՝ Արա Միքայելի Մինասյանից և նրա տիկնոջից՝ Արմինե Գրիգորի Հասրաթյանից հօգուտ Հայաստանի Հանրապետության ապօրինի ծագում ունեցող գույքի բռնագանձման պահանջի մասին հայցադիմումը։ Այս մասին Civic.am-ը տեղեկացավ datalex.am կայքից։ Դատարանի հոկտեմբերի 13-ին կայացված որոշումից տեղեկանում ենք, որ ՀՀ գլխավոր դատախազության անունից Ապօրինի ծագում ունեցող գույքի բռնագանձման գործերով վարչությունը 04․10․2023 թվականին հայցադիմում է ներկայացրել Հակակոռուպցիոն դատարան, որով պահանջել է Արա Մինասյանից և Արմինե Հասրաթյանից հօգուտ Հայաստանի Հանրապետության բռնագանձել բնակարաններ, տրոնսպորտային միջոցներ, դրամական միջոցներ եւ թանկարժեք այլ գույք։
Մասնավորապես՝
Կոտայքի մարզի Ձորաղբյուր գյուղի Ազատության փողոց, 14-րդ նրբանցք, թիվ 8 հասցեի գույքը, իսկ անհնարինության դեպքում՝ դրա միջին շուկայական արժեքը՝ 114 585 000 ՀՀ դրամ գումար,
Երևանի Կենտրոն վարչական շրջանի Սարյան փողոցի 6-րդ շենքի 6-րդ բնակարանը, իսկ անհնարինության դեպքում՝ դրա միջին շուկայական արժեքը՝ 166 735 000 ՀՀ դրամ գումար,
Երեւանի Տերյան փողոցի թիվ 66 շենքի թիվ 34 ավտոկանգառը, իսկ անհնարինության դեպքում՝ դրա միջին շուկայական արժեքը՝ 17 500 000 ՀՀ դրամ գումար,
Երևանի Տերյան փողոցի թիվ 66 շենքի 41-րդ բնակարանը, իսկ անհնարինության դեպքում՝ դրա միջին շուկայական արժեքը՝ 216 675 000 ՀՀ դրամ գումար,
Գյումրիի Արտակ Եպիսկոպոս Սմբատյան փողոց, թիվ 14 հասցեի անշարժ գույքը, իսկ անհնարինության դեպքում՝ դրա միջին շուկայական արժեքը՝ 211 450 000 ՀՀ դրամ գումար,
«LEXUS LX 470» մակնիշի տրանսպորտային միջոցը՝ 2007 թվականի արտադրության, իսկ անհնարինության դեպքում՝ դրա միջին շուկայական արժեքը՝ 12 085 000 ՀՀ դրամ գումար,
«LEXUS LX 570» մակնիշի ավտոտրանսպորտային միջոցը (արտադրման տարեթիվը` 2010 թվական) իսկ անհնարինության դեպքում`դրա միջին շուկայական արժեքը՝ 16 480 000 ՀՀ դրամ գումար,
«TOYOTA LAND CRUISER 100 4.7» մակնիշի ավտոտրանսպորտային միջոցը (արտադրման տարեթիվը՝ 2005 թվական), իսկ անհնարինության դեպքում՝ դրա միջին շուկայական արժեքը,
«ADAMS AND ROBERTSON LTD» ընկերությանը փոխանցված բնակարանը ձեռք բերելու արժեքի չափով գումար՝ 53 620 եվրո (26 042 697 ՀՀ դրամ),
ինչպես նաեւ 30 հատ 500 եվրո անվանական արժեքով թղթադրամները, թվով 34 հատ հուշադրամները, թվով 21 հատ ոսկեգույն ձուլակտորները և մեկ հատ ոսկեգույն մետաղական շղթան, թվով 300 հատ 100 ԱՄՆ դոլլար անվանական արժեքով թղթադրամները, թվով 10 ոսկեգույն ձուլակտրոները և թվով 5 հատ հուշադրամները, «ԱԿԲԱ ԲԱՆԿ» բաց բաժնետիրական ընկերությունում բացված հաշվին Արա Մինասյանի կողմից ներդրված 2 079 569 ՀՀ դրամի ավանդը, 137 313 015 ՀՀ դրամ գումար՝ որպես գույք, որը փոխանցվել է բարեխիղճ ձեռքբերողի կամ անհնար է նույնականացնել, առանձնացնել կամ բռնագանձել, ստացված ապօրինի եկամուտների և միջոցների մնացորդը՝ 1 063 925 356 ՀՀ դրամ գումար։
about:blank about:blank
Հայցադիմումը կից փաստաթղթերով մակագրվել է դատավոր Լ. Դրմեյանին:
Նշենք, որ Արա Մինասյանը ՀՀ նախկին նախագահ Սերժ Սարգսյանի խնամին է, հետախուզման մեջ գտնվող նախկին դեսպան Միքայել Մինասյանի, ինչպես նաև ՀՀ արդարադատության նախարար Գրիգոր Մինասյանի հայրը։
Հիշեցնենք, որ Արա Մինասյանը «Սբ. Գրիգոր Լուսավորիչ» ԲԿ-ի տնօրենի պաշտոնից ազատվեց 2018-ի հուլիսին, երբ առողջապահության նախարարությունը հաղորդեց, որ բժշկական կենտրոնում գերատեսչության ուսումնասիրությունների արդյունքներով պետությանը հասցվել է 545 միլիոն դրամի վնաս։ Հավելենք նաև, որ հիշյալ բժշկական կենտրոնից առևերույթ 908 մլն դրամ հափշտակելու գործով նախկին տնօրենից բացի՝ ևս երկու անձի նկատմամբ հանրային քրեական հետապնդում է հարուցվել։ Գլխավոր դատախազությունը ժամանակ առաջ հաղորդեց, որ գործը հարուցվել է ս.թ. մայիսի 12-ին բժշկական կենտրոնի մեծահասակների պոլիկլինիկայի վարիչի բուժական գծով տեղակալ Թ. Գ.-ի և կենտրոնի պետական պատվերի փաստաթղթերի ձևակերպման աշխատանքների ծառայության ղեկավար Ա. Մ.-ի նկատմամբ՝ առանձնապես խոշոր չափերով խարդախությանն օժանդակելու և փաստաթղթեր, դրոշմներ, կնիքներ, ձևաթղթեր կեղծելու, իրացնելու կամ օգտագործելու հատկանիշներով:
Արա Մինասյանի նկատմամբ խափանման միջոց է ընտրված կալանավորումը, 2018 թվականից Մինասյանը հետախուզման մեջ է: