Ժամեր առաջ Երևանում կոտրել են Արցախից բռնի տեղահանված և Երևանում բնակություն հաստատած Կիոկուշին Կարատեի աշխարհի եռակի չեմպիոն Արթուր Արուշանյանի մեքենայի ապակին և գողացել նրա ընտանիքի ապրուստի վերջին գումարը։
Տեղի ունեցածի մասին ֆեյսբուքյան իր էջում ահազանգել է Արթուր Արուշայանը։
«Ապագա կա, կա ապագա։
Շնորհակալություն վերջին փողը գողանալու համար»,-գրել է կարատեի չեմպիոնն ու հրապապարակել մեքենայի նկարը։
Տեղի ունեցածը բազմաթիվ քննադատությունների է արժանացել։
«Ցավոք սրտի, վերջին օրերին կիոկուշին կարատեի աշխարհի և Եվրոպայի բազմակի չեմպիոնի թալանված մեքենան միակ դեպքը չէ արցախցիների մի կերպ փրկած չնչին ունեցվածքի նկատմամբ ոտնձգությունների շարքից։ Ով տեղյակ չէր, ասեմ. ԱՀ-ում գրանցված համարանիշները իրենց շրիֆտով տարբերվում են ՀՀ-ում գրանցվածներից»,-գրել է օգտատեր Անի Հարությունյանը։