Ազգային ժողովի նախագահ Ալեն Սիմոնյանն այսօր անդրադարձավ ԼԵո–Պարոնյան ճանապարահատվածում տեղի ունեցած հղի կնոջ վրաերթի դեպքի մասին երեկ ԱԺ հարցուպատասխանի ընթացքում «Հայաստան» խմբակցության պատգամավոր Լևոն Քոչարյանի կողմից հիշատակելուն։
«Երբ որ իրենց ընտանիքի կողմից վճարվող մարդիկ են նման բաներ ասում, ես դա գնահատում եմ, որ պատվեր է և կատարում են, իսկ երբ որ ինքն է գալիս ու դժբախտ պատահարը ներկայացնում է որպես արարք , դա առնվազն սազական չէ մարդու, ով որ քաղաքականությամբ զբաղվելու հավանականություն ունի։ Վարչապետը մեքենա չի վարել, վարչապետի մեքենան չի եղել, վարչապետը նման հրաման չի տվել՝ ի տարբերություն հայտնի դեպքերի»,– այս մասին այսօր ԱԺ–ում լրագրողների հետ զրույցում ասաց նա։
Նրա խոսքով՝ ընտանիքի դժբախտությունը փորձել վերագրել իշխանությանը կամ որևիցե մեկին, դա շատ ցածր ու տգեղ բան է։ Չպետք է խաղան մարդկանց էմոիցաների հետ։
«Դժբախտ պատահար է տեղի ունեցել, որից հետո վարչապետը անձամբ զանգել է ընտանիքի ներկայացուցիչներին, խոսել, ցավակցել է, ներողություն է խնդրել, որ նման միջադեպ է տեղի ունեցել։ Ո՞նց կարելի է նման բան ասել, անընդունելի ցածր բան է նման հայտարարություն անելնն ու իշխանությանը վերագրելը։ Քրեական գործ է հարուցվել, մեղադրյալներ կան։ Եթե իրենք դանով փորձում են այն արարքները, որոնք հանրությունն է իրենց մեղսագրում, հավանության նշան դնեն, թող փորձեն։ Մեր ձեռքերին արյուն չկա, թող հանկարծ իրենց հետ չխառնեն»,– նշեց նա։