Սա բանակից օրենքով ազատվելու նախագիծ չէ. այս մասին ԱԺ-ում հայտարարեց «Հայաստան» խմբակցության պատգամավոր Գեղամ Մանուկյանն անդրադառնալով ՔՊ-ական պատգամավոր Հայկ Սարգսյանի առաջարկած նախագծին։
«Այն նախաձեռնությունը, որը տարիներ առաջ էր սկսվել՝ ուներ մի կարևոր անկյունաքարային հարց, սա վերաբերում էր հանցանք կատարած մեր հայրենակիցների որոշակի պարտավորությունների դիմաց այդ հարցանքից ազատելուն, դրա համար էր ամեն տարի կամ պարբերաբար այն ԱԺ-ի կողմից քվեարկվում։
Անկյունաքարային խնդիրն այն է, որ երբ սա դարձնում ենք օրենք՝ արձանագրում ենք, որ պարբերաբեր, մշտապես կարող են լինել նման հանցանքներ, մեր հայրենակիցները կարող են մշտապես բանակից խուսափել՝ մինչև 27տարեկանը գտնվելով ՀՀ սահմաններից դուրս, հետո վճարների դիմաց ազատվելով՝ շարունակեն նորմալ բնականոն կյանքով ապրելը։
Անկյունաքարային հարցն այն է՝ մշտակա՞ն դարձնել օրենքը, թե այն ունենա սահմանափակում՝ լինի միանվագ, քանի որ այսօրվա 18 տարեկանը կմտածի՝ դե օրենք կա, արի խուսափենք մինչև 27 տարեկանը, ապա գումարի դիմաց ազատվենք»։
Հիշեցնենք, որ պատգամավորն առաջարկում է փոփոխություններ և լրացումներ կատարել «Զինվորական ծառայության և զինծառայողի կարգավիճակի մասին» օրենքում և կից օրենքներում փոփոխություններ և լրացումներ կատարելու մասին օրինագծերի փաթեթում, ըստ որի 27 տարին լրացած և պարտադիր զինվորական ծառայություն չանցած քաղաքացիներին հնարավորություն է տրվում ազատվել քրեական պատասխանատվությունից.
1. ծառայելով 2 տարի
2. ծառայելով 1 տարի և պետական բյուջե վճարելով 2,5 մլն դրամ,
3. ծառայելով 6 ամիս և վճարելով 5 մլն դրամ։
4. ծառայելով 1 ամիս և վճարելով 10 մլն դրամ
5. վճարելով 15 մլն դրամ։