Արևմուտքին հաճոյանալու համար, ամեն դեպքում, պետք է խուսափել եզրագծին հասնելուց և աբսուրդի մեջ չընկնելու: Այս մասին ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի խորհրդարանի արտաքին հարաբերությունների մշտական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Սարգիս Խանդանյանի հայտարարությունն այն մասին, որ Վաշինգտոնում և Բրյուսելում Հայաստանի և Ադրբեջանի միջև բանակցությունները «միջազգային հեղինակություն ունեն, և դա դրանց լեգիտիմություն է հաղորդում»։
«Ես այնպիսի զգացողություն ունեմ, որ, ցավոք, նման բաներ ասող մի շարք մարդիկ պարզապես կորցրել են չափի զգացումը։ Սա մեր՝ նման դիրքորոշումը չհասկանալու հարցը չէ, ոչ մի դեպքում, մենք ինչեր ասես, որ չենք տեսել, սա շատ կարևոր խնդիր է հենց Հայաստանի համար։ Հարավային Կովկասում իսկապես կայուն խաղաղության հաստատման ոչ այլընտրանքային ճանապարհային քարտեզը Ռուսաստանի Դաշնության, Ադրբեջանի և Հայաստանի միջև ամենաբարձր մակարդակով եռակողմ համաձայնագրերի մի շարք է, որոնք կնքվել են 2020-2022 թվականներին։ Վաշինգտոնն ու Բրյուսելը կամ ուղղակիորեն կրկնօրինակել են դրանք, հիշեցնեմ նրանց, ովքեր խոսում են Վաշինգտոնի և Բրյուսելի հարթակների ավելի բարձր լեգիտիմության մասին, կամ փոխել են դրանք՝ իրենց պատեհապաշտական շահերի համար։ Նման կեղծ միջնորդների ինչպիսի՞ լեգիտիմության մասին ընդհանրապես կարելի է խոսել, եթե հաշվի առնենք, որ հավաքական Արևմուտքը՝ ԱՄՆ-ի գլխավորությամբ, զբաղված է միջազգային իրավունքի դեմ բացահայտ խախտումներ իրականացնելով, հրահրում է պատերազմներ, հակամարտություններ, կազմակերպում գունավոր հեղափոխություններ և բոլորին պարտադրում այն կանոնները, որոնք հորինել են հենց իրենք՝ արևմտյանները։ Մյուս շատ կարևոր կետն այն է, որ եթե Վաշինգտոնի և Բրյուսելի հարթակներում ինչ-որ բան քննարկվի, որը, օրինակ, կհակասի Հայաստանի ազգային շահերին, ապա չեն հիշի արդյոք նման քաղաքական գործիչների հայտարարություններն այն մասին, որ հենց այդ հարթակներն հայտարարություններին ու փաստաթղթերին ավելի բարձր լեգիտիմություն տալիս։ Պարզապես պետք է իմանալ պատմությունը, ձեր երկրների ու տարածաշրջանների պատմությունը և համաշխարհային պատմությունը»,- ասել է նա՝ նշելով, որ շատ հաճախ Արևմուտքի ընկերները տապալվում են նրա օգնությամբ։