ՀՀ հանրային ծառայությունները կարգավորող հանձնաժողովը մերժեց ռուսական «Մոբայլ Տելեսիստեմի» (ՄՏՍ) կորպորացիայի հայտը ՀՀ-ում իր բիզնեսը վերակազմավորելու վերաբերյալ: Այս մասին որոշում կայացվեց հանձնաժողովի նիստում:
Հայտը մերժվել է այն պատճառաբանությամբ, որ սեպտեմբերին ռուսական ՄՏՍ-ը ցանկացել է «ՄՏՍ Հայաստանը» վաճառել մեկ այլ սեփականատիրոջ՝ Կիպրոսում գրանցված Fedilco ընկերությանը։
Ինչպես նիստում նշեց հանձնաժողովի նախագահ Գարեգին Բաղրամյանը, դիմումը մերժվել է հենց այն պատճառաբանությամբ, որ ՄՏՍ-ն արդեն իսկ պատրաստվում է վաճառել իր հայկական ընկերությունը, ուստի իմաստ չունի թույլ տալ նրան վերակազմակերպվել։
Նա պարզաբանել է, որ եթե ՄՏՍ–ն ու Fedilco-ն հրաժարվեն գործարքից, ապա հնարավոր կլինի վերադառնալ վերակառուցման հարցին։
Հիշեցնենք, որ ՀՀ հանրային ծառայությունները կարգավոր հանձնաժողովը համաձայնել էր վաճառել ընկերության բաժնետոմսերի 100%-ը։