Crocus City Hall-ում տեղի ունեցած ահաբեկչության հետևանքով ոչ բոլոր զոհվածների ինքնությունն է հնարավոր պարզել, նրանց հարազատներն ու ընկերները սպասում են ԴՆԹ թեստերի, «ՌԻԱ Նովոստիին» ասել է իր ընկերոջը փնտրող կինը։
Նախօրեին Մոսկվայի Առողջապահության վարչությունը հայտնել էր, որ մայրաքաղաքում ընթացակարգեր են սկսվել Կրասնոգորսկում տեղի ունեցած ահաբեկչության հետևանքով զոհվածների ինքնությունը պարզելու համար, դա կարող է պահանջել մոլեկուլային գենետիկական հետազոտություն, որը կտևի առնվազն երկու շաբաթ. հարազատներին հրավիրում են, ուղղորդում դեպի Մոսկվայի դատաբժշկական բյուրո:
«Այժմ սպասում ենք ԴՆԹ թեստին»,- ասել է կինը RIA Novosti-ին տված հարցազրույցում՝ նշելով, որ լուսանկարներից հնարավոր չի եղել հայտնաբերել մահացածների մեջ իր ընկերոջը։