Ուկրաինայի բոլոր գործընկերները չէ, որ օպերատիվ կերպով փոխանցում են խոստացված զենքը։ Այդ մատակարարումներն անհրաժեշտ են, հայտնել է Ուկրաինայի նախագահ Վլադիմիր Զելենսկին Սլովակիայի նախագահ Զուզանա Չապուտովայի հետ տված մամուլի ասուլիսում, տեղեկացրել է «РБК-Украина»-ն։
Զելենսկու խոսքով՝ նա սլովակ գործընկերոջ հետ քննարկել է իրավիճակը ճակատում։ Մասնավորապես, հիշատակվել է ռուսների դեպի արեւելք՝ Դոնեցկի եւ Խարկովի մարզեր հարձակումն ընդարձակելու փորձը։
Բանակցությունների ընթացքում նրանք բարձրացրել են ուկրաինական պահանջմունքների հարցը, այդ թվում զենքի, նպատակ ունենալով խափանել ռուսական կողմի պլանները։
«Այժմ մեր բոլոր գործընկերները չէ, որ օպերատիվորեն կատարում են պայմանավորվածությունները»։ Մենք մեր բարեկամների, Ուկրաինայի բարեկամների առավելագույն կենտրոնանալու կարիքն ունենք, որպեսզի արագացվեն մատակարարումները»,- ընդգծել է Զելենսկին։
Նա ավելացրել է, որ Ուկրաինան երախտապարտ է յուրաքանչյուր ղեկավարի, որոնք օգնում են զենքի մատակարարման արագացման գործին։