«Ես Բելառուս չեմ այցելի, քանի այնտեղի նախագահ Ալեքսանդ Լուկաշենկոն է»։
Այս մասին այսօր Ազգային ժողովում 2024 թվականի բյուջեի հաշվետվության վերաբերյալ իր եզրափակիչ ելույթի ժամանակ հայտարարեց ՀՀ վարչապետը։
Վերջինս ներկայացրեց այս որոշման պարզաբանումը․
«ՀԱՊԿ ղեկավար երկրներից մեկը հայտարարում է, թե 44-օրյա պատերազմը նախապատրաստելուն մասնակցել է, քաջալերել է, հավատացել է, ցանկացել է Ադրբեջանի հաղթանակը։ Բա՞ դրանից հետո ես պետք է գնամ Բելառուսի նախագահի հետ ՀԱՊԿ ֆորմատով նստեմ հարց քննարկեմ, բա՞ դուք չեք խոսում արժանապատվությունից, սկզբունքայնությունից, և այդպես շարունակ։
Չնայած նաև իրավիճակ կա, որ ԵԱՏՄ-ում և ԱՊՀ-Ում ինչ-որ առումով ստիպված եմ լինելու հանդիպել, ուզում եմ արձանագրել՝ Բելառուս չենք այցելի, քանի Բելառուսի նախագահն Ալեքսանդ Լուկաշենկոն է, իսկ ՀԱՊԿ-ի հետ կապված ընդհանրապես հայտարում եմ, որ ՀՀ ոչ մի պաշտոնական ներակայացուցիչ Բելառուս չի այցելի»։
Միևնույն ժամանակ Կառավարության ղեկավարը նկատեց, որ ՀԱՊԿ-ի հետ կապված որևէ բան փոխվելը տեսականորեն չի բացառվում, եթե Բելաառուսը որոշի ՀԱՊԿ-ից դուրս գալ կամ Բելառուսի նախագահը ՀՀ ժողովրդին ներողության բացատրության այնպիսի խոսքեր ասի, որ ՀՀ ժողովրդի համար լինի ընդունելի։