Microsoft-ում լայնածավալ խափանումը հանգեցրել է նրան, որ որոշ խոշոր ավիաընկերությունները դադարեցրել են թռիչքները կապի խնդիրների պատճառով, հայտնել է CNN-ը։
Այսպես, Իսպանիայի օդանավակայանները խնդրի են բախվել, հայտնում են տեղական լրատվամիջոցները։ Բեռլինի օդանավակայանը նույնպես զգուշացրել է հնարավոր ուշացումների մասին։ Turkish Airlines-ը նախազգուշացրել է գլոբալ անջատման մասին, որը լուրջ խնդիրներ է առաջացնում տոմսերի ամրագրման և գրանցման հետ կապված։ Ընկերության հավելվածն անհասանելի է:
United Airlines-ը, Delta Airlines-ը և American Airlines-ը դադարեցրել են թռիչքները կապի հետ կապված խնդիրների պատճառով: Բեռլին-Բրանդենբուրգ միջազգային օդանավակայանը դադարեցրել է աշխատանքը տեխնիկական խնդիրների պատճառով: Iնքնաթիռները չեն կարողանում ոչ օդ բարձրանալ, ոչ վայրէջք կատարել, հայտնել է Bild-ը։
Այս խափանումը տուժել է նաև խոշոր բանկեր, տարբեր ծառայություններ, ինչպիսիք են Gmail-ը, Amazon-ը և շտապ օգնության ծառայությունները: Խափանման պատճառով եղել են բազմաթիվ 911 անջատումներ ԱՄՆ մի քանի նահանգներում: Բացի այդ, խնդիրներ են առաջացել ՏՏ ոլորտում։
Microsoft-ի ամերիկացի բազմաթիվ օգտատերեր հայտնել են, որ իրենց համակարգիչները կա՛մ անջատվել են, կա՛մ ցուցադրում են կապույտ էկրան:
Windows-ի խափանումը եղել է CrowdStrike թարմացման պատճառով։ Ամբողջ աշխարհի օգտատերերն իրենց էկրաններին տեսնում են BSOD ( Blue Screen of Death – Մահվան կապույտ էկրան) սխալ։