Alpha News-ի եթերում հասարակական գործիչ Սերգեյ Կարնաուխովն անդրադարձել է հայ-ռուսական հարաբերություններին, Հայաստանի եվրաինտեգրման հեռանկարին և Թուրքիայի նախագահի վերջին հայտարարություններին։
Փորձագետի խոսքով՝ Ռուսաստանը շատ է անհանգստացած Հայաստանի համար։
«Ես ճանաչում եմ շատ պաշտոնյաների, որոնք շատ բան են անում Հայաստանի հետ հարաբերությունները պահպանելու համար։ Հայ ժողովուրդը կրկին հաստատեց, որ Փաշինյանը իր ընտրությունն է։ Ռուսաստանը պաշտպանում է այս ընտրությունը, քանի որ դա ժողովրդի ընտրությունն է։ Այլ հարց է, որ քաղաքական տեխնոլոգիաները թույլ են տալիս մարդկանց կատարել ցանկացած ընտրություն։
Բայց երբ այնպիսի երկիր, որը գլորվում է դեպի Փաշինյանի տոտալիտարիզմն ու ավտորիտարիզմը, ավելի ճիշտ՝ նրանց հետևում կանգնած երկիրը, նրա թիմը, նրա արտաքին գործերի նախարարը,կատաղած ռուսաֆոբը և այլ մարդիկ, համապատասխանաբար, հնարավորություն կա՝ այս բոլորը տեխնոլոգիապես լուծելու։
Քաղաքական գործիչը նույնպես մասնագիտություն է։ Մարդ է, որն ունի ռազմավարություն, պետական մտածողություն։ Նա (Փաշինյանը) դա չունի։ Ես ուզում եմ տեսնել Հայաստանի զարգացման հզոր ռազմավարական փաստաթուղթը, ուզում եմ տեսնել առաջնահերթությունները»,- ասել է Կարնաուխովը։
Ինչ վերաբերում է Հայաստանում ռուս զինվորականների ներկայությանը, նա նշել է․
«Սա պե՞տք է Ռուսաստանին։ Միանշանակ ոչ։ Ժամանակակից պատերազմը ցույց տվեց, որ զինվորականների ներկայությունը ոչինչ չի լուծում, այդ ամենը լուծվում է տեխնոլոգիապես, հրթիռները թույլ են տալիս հաղթահարել ցանկացած հեռավորություն։ Կա ռուսական 102 բազա, թե ոչ, դա ընդհանրապես կարևոր չէ, եթե մենք այնտեղ թիրախներ ունենանք, ապա մեր հրթիռները կխոցեն դրանք»։
Խոսելով Հայաստանի եվրաինտեգրման մասին՝ հասարակական գործիչը նշել է, որ Արևմուտքի նպատակն է Հայաստանը դարձնել պրոքսի երկիր։
«Չեմ պատկերացնում, թե ինչպես կարող է Հայաստանն ինտեգրվել Եվրոպային։ Որտե՞ղ, ինչի՞ն: Ցույց տուր ինձ, թե ինչ ես անելու այնտեղ: Գործարաններ չկան, ագրոարդյունաբերական համալիրը փլուզվել է, բանկային հատվածը փլուզվել է։ Վերջ, այնտեղ ուրիշ բան չկա։ Եվրոպան պատրաստվում է կռվել Ռուսաստանի դեմ։ Ցանկանո՞ւմ եք դառնալ Բրիտանիայի վստահված անձ: Ինչպե՞ս կարելի է պատկերացնել, որ հայ քրիստոնյան ավտոմատով վազում է ռուս քրիստոնյայի դեմ։
Ի՞նչ կլինի Հայաստանի հետ, եթե դուրս գա Ռուսաստանի դեմ։ Բրիտանացիներն ու ամերիկացիները այլ նպատակներ չունեն։ Նրանց խնդիրն է Հայաստանը ֆորմատավորել և դարձնել պրոքսի երկիր։ Այժմ մենք պետք է ընդհանուր առմամբ հասկանանք, որ վերջին հինգ տարիների ընթացքում արտաքին ներխուժման դոկտրինը կտրուկ փոխվել է: Հայաստանն ուզո՞ւմ է պրոքսի երկիր լինել։ Համոզված եմ, որ ոչ: Հայաստանը պետք է դառնա հայանպաստ ։ Սա այն հիմնական թեզն է, որը ես փորձում եմ փոխանցել բոլորին։ Դադարեք ցնցվել: Հայաստանը ոչ մի դաշնակից բարեկամ չունի, Հայաստանն ինքն իր դաշնակիցն է»,- նշել է Սերգեյ Կարնաուխովը։
Անդրադառնալով Թուրքիայի նախագահ Էրդողանի հայտարարություններին, թե թուրքերը կարող են մտնել Իսրայել այնպես, ինչպես ժամանակին մտել են Լեռնային Ղարաբաղ և Լիբիա, փորձագետն ասել է, որ դա ընդամենը PR է։
«Մենք չպետք է չափազանցնենք Էրդողանի խոսքերը։ Նա տարեց մարդ է, զգացմունքային անձնավորություն, նրա համար այժմ դժվար է ապրել Թուրքիայի կառավարման համակարգի հետ, այնտեղ տնտեսության հետ այնքան էլ հեշտ չէ։ Ուստի պետք չէ ասել, որ սա քաղաքական լուրջ հայտարարություն էր, որը ինչ-որ բան է պարունակում, բայց ոչինչ էլ չի պարունակում։
Դուրս եկավ և այն, ինչ մտքով անցավ, փչեց: Պարզապես արտաքին և ներքին PR։ Ինչ վերաբերում է Ալիևին՝ Ադրբեջանի նախագահին, ապա նա ունի շատ կոնկրետ և զուտ սեփական շահ: Նրանք ընդհանրապես թքած ունեն ամեն ինչի վրա։ Եվ նրանք կհասնեն իրենց ուզածին: Ավելին, նրանք դա կանեն շատ ագրեսիվ և կոշտ, քանի որ պետք է գոյատևեն: Սա երիտասարդ երկիր է, որը ցանկանում է ունենալ իր պատմությունը»,- եզրափակել է Կարնաուխովը։