Պետական գործիչ Վարդան Ղուկասյանն իր տելեգրամյան ալիքում հայտնել է, որ ըստ իր Մեծ Բրիտանիայի աղբյուրների՝ Մեծ Բրիտանիայում կալանավորվել է Տիգրան Արզաքանցյանի կին Նատալյա Ռոտենբերգը, ով մի քանի օր է գտնվում է բրիտանական բանտում։
Oragir.News-ը տեղեկությունը հաստատելու համար փորձեց կապ հաստատել և՛ Նատալյա Ռոտենբերգի, և՛ նրա ամուսնու՝ Տիգրան Արզաքանցյանի հետ։
Սակայն մեր զանգերն անպատասխան մնացին։ Oragir.News-ը տեղեկությունը ճշտելու համար կապ հաստատեց Նատալյա Ռոտենբերգի օգնականի հետ, ով մեզ հետ զրույցում հերքեց այս տեղեկությունը։
«Փաստորեն, ստացվում է՝ ես շփվում եմ երևի Նատալյա Ռոտենբերգի կլոնի հետ»,- ասաց նա։
Հարցին՝ Նատալյա Ռոտենբերգն այս պահին Հայաստանու՞մ է, նրա օգնականը պատասխանեց․
«Այո, որտեղ պիտի լինի։ Այդ լուրերը սուտ են»։