Մարբուրգի անբուժելի վիրուսի առաջին բռնկում է գրանցվել Ռուանդայում, որի հետևանքով վեց մարդ է մահացել, հայտնել է Առողջապահության համաշխարհային կազմակերպությունը։
The Mirror-ը գրել է, որ կա ութ մահացած։
«Ռուանդայի առողջապահության նախարարությունը հաստատել է երկրի առաջին բռնկումը 30 շրջաններից յոթում դեպքեր հայտնաբերելուց հետո: Հաստատված դեպքերի մեջ ավելի քան 70%-ը Կիգալիի երկու առողջապահական հաստատությունների բուժաշխատողներ են»,- գրել է թերթը։
Ընդհանուր առմամբ գրանցվել է մահացու հիվանդության 26 դեպք, հաղորդել է ԱՀԿ-ն։ Բժիշկները փորձում են գտնել 300 մարդկանց, ովքեր կարող էին կապ ունենալ վարակվածների հետ։
Մարբուրգ վիրուսի դեմ բուժում կամ պատվաստանյութ չկա:
ԱՀԿ-ն այս բռնկման ռիսկը գնահատում է որպես բարձր տարածաշրջանային և ցածր՝ գլոբալ մակարդակում։ Այնուամենայնիվ, փորձագետներին անհանգստացնում է այն փաստը, որ մեկ մարդ, ով կարող է վարակված լինել, հեռացել է Ռուանդայից: