Բագրատ արքեպիսկոպոս Գալստանյանը վստահեցնում է` պայքարի ընթացքը հասել է վերջնահանգրվանին:
«Մենք գտնվում ենք այդ փուլի մեջ ու, այո՛, ուզում եմ ասել` այն անպարտելիության միֆը, որ ստեղծել են այս իշխանությունները, պատրանք է, ժողովո՛ւրդ, սրանք բացարձակ անպարտելի չեն, իրենք գտնվում են երկու երևույթի պաշտամունքի մեջ` փողի ու իշխանության»,- ուղիղ եթերում հայտարարեց Սրբազանը:
Նա ասաց, թե միասնական ջանքերով պետք է պատվով առաջ գնալ:
«Մեզնից ակնկալում են, թե, ի վերջո, երբ է փողոցն ակտիվ գործողությունների մեջ մտնելու: Կմտնի, շատ շուտով, մենք ամբողջության մեջ բոլոր շերտերով մանրակրկիտ գործում ու աշխատում ենք դրա համար»,- ասաց Սրբազանը:ՙ
Բագրատ արքեպիսկոպոս Գալստանյանը հավատում է` հոգևոր Հայաստանի կառուցումը շատ չի ուշանալու:
«Գիտեմ, բոլորդ սպասում եք, թե երբ ենք ազդարարելու այդ ժամը, որ միասին վերջնականապես լուծելու ենք մեր երկրի խնդիրներն ու հեռացնելու չարիքին»,- ուղիղ եթերի ժամանակ ասաց Սրբազանը:
Նա նշեց, թե այսօրվա իշխանությունը մեկ մարդու պաշտամունքի իշխանություն է:
«Փորձում են արդարացնել չարիքը բերողին, որովետև վախենում են, ոչ մի ասելիք չունեն, իրենց ասելիքը կախված է մեկ մարդուց` չարիքից: Այո՛, վախենում եք, սարսափում եք, որ ձեր հացը կկորցնեք»,- դիմելով ՔՊ-ականներին` ասաց Բագրատ Սրբազանը:
Նրա խոսքով` Հայաստանը դարձել է ասելիք չունեցող պետություն: