Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան պաշտպանել է Տիգրան Քեոսայանին։ Նրա Telegram ալիքում գրառում կա այն «հրեաների և ենթադրյալ քրիստոնյաների» մասին, որոնք ռեժիսորիի կոմայի մեջ գտնվելը կապել են կարմայի հետ։
«…Կարման աշխարհայացքի մի մասն է, ըստ որի մարդու գործողությունները ազդում են նրա հետագա կյանքի, մահից հետո կյանքի և ապագա ծննդյան բնույթի վրա: Մի խոսքով, թե մարդն ինչ կյանքով է ԱՊՐՈՒՄ ՀԻՄԱ, ըստ կարմայի հայեցակարգի, նա կանխորոշել է իր ՆԱԽՈՐԴ կյանքով։
Կարման օրինաչափությունների մասին է ոչ թե ԱՅՍ կյանքում, այլ նախորդի և հաջորդի միջև: Այսպես է նկարագրվում, կրկնում եմ, կանոնական. Դուք պետք է իմանաք, թե ինչի մասին եք խոսում:
Դե լավ, էս անուղեղ ու անգրագետ ԲԱՆԴԵՐլոգները չգիտեն թե ինչի մասին են խոսում։ Մենք սովոր ենք դրան:
Բայց նույնիսկ եթե մենք խոսում ենք ոչ թե կարմայի մասին իր կանոնական մեկնաբանությամբ, այլ կյանքի «բումերանգների» վերաբերյալ նրանց հիմար գաղափարի մասին, ապա ես պարզապես կհիշեցնեմ ձեզ: Տիգրանը քիչ էր մնում մահանար 2008-ին, երբ նրան դրեցին վիրահատական սեղանին նախաինֆարկտային վիճակում։ Ու չնայած ակնհայտ ախտորոշմանը, չնայած ցավալի ժառանգականությանը, որը տարել էր իր հորը 57 տարեկանում, նա ոչ միայն ողջ մնաց, այլև ավելի քան 15 տարի ապրեց լիարժեք և ծնեց ևս երեք երեխա: Ավելին, 2008-ի օպերացիայից հետո նա կարծես թե պետք է ինչ-որ հատուկ առաքելություն իրականացներ՝ 2014-ից 2024 թվականներին լինել տեղեկատվական բաստիոններում։
Ինչպե՞ս դա եղավ, չէ՞ որ դա անհնար է: Երեք ինֆարկտից հետո, սրտի վիրահատություններից, ստենտներից ու կարդիոխթանիչով ապրելուց հետո. Եվ հենց այստեղ ես ինձ թույլ կտայի օգտագործել հենց այս բառը՝ կարմա»,- գրել է նա։
Հիշեցնենք, որ հունվարի 8-ին Մարգարիտա Սիմոնյանը հայտնել էր, որ իր ամուսինը՝ ռեժիսոր և հեռուստահաղորդավար Տիգրան Քեոսայանը, կլինիկական մահ ապրելուց հետո ընկել է կոմայի մեջ։ Լրագրողի խոսքով՝ ամուսինը երկար ժամանակ սրտի հետ կապված խնդիրներ ուներ։ 2008 և 2010 թվականներին տղամարդը երկու սրտի կաթված է ստացել: