Հայրենավաճառության մասին հայրենազավթները այլևս բղավում են այնքան ուժգին, որքան հնարավոր է, ասում են՝ ճիշտ է, հայրենիքը շատ ենք փոքրացրել, բայց դեռ ամբողջությամբ չենք հանձնել։ Այս մասին այսօր մեկնարկած 2025թ-ի առաջին նստաշրջանում ասաց «Պատիվ ունեմ» խմբակցության պատգամավոր Աննա Մկրտչյանը։ «Ձեր ցավը ու մեր բոլորի ողբերգությունը մի մետաղի ջարդոնի են վերածել ու բերել՝ փակցրել են նաև ԱԺ այս պատին»,-ասաց պատգամավորը՝ մատնացույց անելով ԱԺ նախագահության գլխավերեւում փակցրած քարտեզը, որտեղ Արցախը բացակայում է։
Նա ընդգծեց, որ սա ճակագատրի հեգնանք է, քանի որ այն փակցնելու պարտականությունը դրել են մի մարդու վրա, ով ընդամենը մի քանի տարի առաջ ասում էր, թե «Աղդամն իր հայրենիքին է, թե ինքը Աղդամցի Ալենն է ու հնարավորություն չի տալու որևէ մեկից գեթ մեկ սանտիմետր հող հանձնել Աղդամից»։
Նա ընդգծեց, որ հենց նա է այդ «մետաղի ջարդոնից» ջնջել ոչ միայն Աղդամը, այլև մեր հայրենիքի ուղիղ կեսը»։
Նա նաև հարց ուղղեց ՀՀ քաղաքացիներին. «Սիրելի հայրենակիցներ, դուք իրենց ա՞յս տեսքով էինք հայրենիք տվել։ Ընդամենը մի քանի տարի առաջ մեր բոլորի հայրենիքն այս տեսքն ուներ, դուք ապրես եք այս հայրենիքում, այս հայրենիքի աճանապարհներով երթևեկել եք, ձեզ այս հայրենիքի ճանապարհներից որևէ մեկը գերի չի տարել։
Հիմա թող գոնե այս հայրենքինն այս տեսքով մնա Աժ դահլիճում մնա այնքան ժամանակ, քանի դեռ մեր հայրենիքն այս տեսքով ետ չի գա մեզ»,-ասաց Մկրտչյանը և իր ձեռքի քարտեզը, որտեղ նաև Արցախն էր պատկերված Հայաստանի հետ միասին՝ փակցրեց ԱԺ նախագահության ամբիոնին։