ԱՄՆ-ում` Վաշինգտոնի Ռեյգանի ազգային օդանավակայանի մոտ, ուղեւորատար ինքնաթիռը բախվել է ամերիկյան բանակի Black Hawk ուղղաթիռին, հայտնում է CNN-ը։
«Ինքնաթիռը մոտենում էր թռիչքուղուն, հայտնել են Դաշնային ավիացիոն վարչության և պաշտպանության նախարարության ներկայացուցիչները», – նշում է հեռուստաալիքը։
American Airlines 5342 չվերթը` 64 ուղեւորով, օդ էր բարձրացել Կանզաս նահանգում: CNN-ը հայտնում է, որ ռազմական ուղղաթիռը վթարի պահին իրականացնելիս է եղել ուսումնական թռիցք:
Վթարից հետո ինքնաթիռն ընկել է Պոտոմակ գետը: NBC-ն հայտնում է, որ վթարից փրկված առնվազն չորս անձ տեղափոխվել են Ռեյգանի միջազգային օդանավակայան։
CBS-ը՝ վկայակոչելով ոստիկանությանը, նշում է, որ գետից արդեն արդեն հանվել է 18 զոհերի մարմին:
Վաշինգտոնում կործանված ինքնաթիռում եղել են գեղասահքի զույգերի աշխարհի չեմպիոններ Եվգենյա Շիշկովան և Ռուսաստանի հավաքականի անդամ Վադիմ Նաումովը։ Այս մասին ՏԱՍՍ-ին հայտնել է աղբյուրը։
«Վթարված ինքնաթիռում եղել են մեր մարզիչներ Եվգենյա Շիշկովան և Վադիմ Նաումովը»,- ասել է գործակալության աղբյուրը։
Անվտանգության տեսախցիկները ֆիքսել են ավիավթարը, տեսանյութը` «Փաստինֆո»-ի տելեգրամի ալիքում: