այաստանի վարչապետին ներկայացրել ենք քառասուն էջանոց ծրագիր, որում աշխարհի տասը երկրի լեռնամետալուրգիական համակարգերի փորձն էր ներկայացված՝ հարկման մեխանիզմներն առաձգական դարձնելու, միջազգային շուկաներում մրցունակ լինելու համար։ Կոռուպցիայի դեմ պայքարի հիմնական ձևը մրցակցությունն է, Հայաստանում հանքարդյունաբերության ոլորտում մոնոպոլիա է. Քաջարանը «Գեոպրոմայնինգինն» է, Կապանը, Ագարակը՝ նույնպես, Թեղուտը՝ ՎՏԲ բանկինն է։ «Գոեպրոմայնինգը»ռուսական ընկերություն է, որը պատժամիջոցների տակ է, և այստեղ լուրջ խնդիր կա,- ամիսներ առաջ այս մասին «Դիլեմա» հաղորդմանն ասել է «Հանրապետություն» կուսակցության նախագահ Արամ Սարգսյանը։
Հիշեցնենք, որ երեկ առավոտից Զանգեզուրի պղնձամոլիբդենային կոմբինատի (ԶՊՄԿ) ավելի քան 700 աշխատակից գործադուլ է անում՝ պահանջելով աշխատավարձերի բարձրացում։
«Քաջարանի բոլոր ժամանակաների սեփականատերերը գերշահույթ են ստացել, սարսափելի կոռուպցիա կա՝ ինչպես ռուսական ցանկացած ընկերությունում։ Քաջարանը կարող է տարեկան մեկ միլիոն տոննա խտանյութ արտադրել, բայց ռուսական ընկերությունը շահագործում է հանքավայրի հնարավորությունների հինգ տոկոսը, գետի հունը պետք է տեղափոխվի, գերեզմանները պետք է պետությունը տեղափոխի, որ ամբողջական հանքավայրը շահագործվի, մինչդեռ ռուսական ընկերությունները ձախ ափը վերցնելու լիցենզիա չեն պահանջում, որովհետև եթե լիցենզիա պահանջեն, պետք է հանքարդյունահանման գծագիր պատվիրեն, եթե պատվիրեցին, պետք է ներդրումներ անեն։
Այսինքն՝ հերիք չէ հանքավայրը չեն շահագործում ամբողջությամբ, շահագործում են կոռուպցիայով, բնապահպանական բոլոր նորմերը խախտելով, հետն էլ թույլ չեն տալիս, որ ուրիշ մեկը այդտեղ լիցենզիա վերցնի։ Ես բազմիցս առաջարկել եմ ՀՀ իշխանությանը լիցենզիա տալ ամերիկյան, ֆրանսիական ընկերության. այդ մրցակցությանը «Գեոպրոմայնինգը» չի դիմանա, ստիպված կվաճառի, կգնա»։