Ես հոժար չեմ, որ թանկացում լինի, 100 դրամը մեզ ձեռք է տալիս, 150-ը ո՞րն է: Այս մասին այսօր փետրվարի 3-ին, NEWS.am–ի թղթակցի հետ զրույցում ասաց տրանսպորտի թանկացումը բոյկոտող քաղաքացի կանանցից մեկը։
«Թող աշխատավարձը բարձրացնեն, ես էլ երեխա եմ պահում, հիվանդ մայր եմ պահում, 150 դրամ գնալը, 150 դրամ գալը, ո՞նց կլինի: 100 դրամըւ մեզ ձեռք է տալիս, եթե չեն ուզում, թող ավտոբուսերն էլ վերացնեն, մենք ոտքով կգնանք ու կգանք ավելի լավ: Երկրապահից եմ, 80,000 փող եմ ստանում, 150 ավտոբուսին, 500 դրամ Հոկտեմբերից գամ Երևան, դա եղավ մեկ միլիոն փող, ինձ ո՞վ է վճարելու։ Ես բողոքում եմ 100-ից ոչ ավել:
Մենք ոչխար ենք, մեզ քշում են, մենք գնում ենք: Սա պետություն չի, Նիկոլը իր հերթին, Տիգրանը իր հերթին, մենք մինչև ո՞ւր պիտի հասնենք: Թող մի հատ ռումբ գցեն, վերանանք, պրծնենք: Ասում են՝ սա իմն է, սա իմն է:
Աշխատավարձ չկա, ուտելիքը թանկացնում են, գնանք մենք ոչխարի նման խոտ ուտենք, պրծնենք, վսյո, դա է մեզ ձեռ տալիս»,-ասաց նա:
Մեկ այլ կին էլ նշեց. «Ավտոբուսը հասկացանք, նոր ավտոբուսներ են բերել, թանկացնում են, բա մետրո՞ն: Մի հատ մետրոյի գիծ ավելացրե՞լ են, ի՞նչ են արել մետրոյի համար, հլը վագոնները հինգ-վեց հատի փոխարեն այսօր երեք հատ վագոն է աշխատում: ինչի է բարձրացրել, ինչի եք այսպես անում: Մի քիչ հաշվի նստեք ժողովրդի հետ»: