«Տպավորություն է ստեղծվում, թե Պուտին-Թրամփ հեռախոսազանգը որոշելու է տարածաշրջանում մեր կամ Ադրբեջանի ապագան․ այդպես չէ։ Կամ, որ Արցախը մեզ կվերադարձնեն, կամ Հայաստանը կտան Ադրբեջանին․ իհարկե, դա էլ այդպես չէ։ Հայաստանը չեն տա Ադրբեջանին, Արցախն էլ մեզ չեն վերադարձնի. դրա համար աշխատանք պետք է տանենք մենք։
Իհարկե, Ուկրաինայի հարցում որոշումները կազդեն աշխարհաքաղաքական դասավորության վրա, բայց ակնկալել, որ գերտերություններն ամեն ինչ կթողնեն ու կգան Հարավային Կովկասով զբաղվելու, իրատեսական չէ»,- «Հարցեր կան» հաղորդմանն ասել է «Կովկասի ինստիտուտի» տնօրեն, քաղաքագետ Ալեքսանդր Իսկանդարյանը։
«Վաշինգտոնի ուշադրությունը Հարավային Կովկասի հանդեպ ոչ թե մեծանում է, այլ փոքրանում է արդեն վաղուց։ Հարավային Կովկասի հարցում Վաշինգտոնը չի ունեցել, չունի և չի ունենա ռազմավարություն։ Ավելին՝ չգիտեմ էլ ինչ հիմքով են որոշ մարդիկ մտածում, որ այդ հնարավոր ստրատեգիան անպայման պետք է լինի պրոհայկական և ոչ պրոթուրքական»։
Հարցազրույցն ամբողջությամբ՝ տեսանյութում