Ուկրաինան պետք է բացատրի, թե ուր են գնացել մեր գումարները, կամ վերադարձնի դրանք, ասել է ԱՄՆ նախագահ Դոնալդ Թրամփը՝ տեղի ունեցած մամուլի ասուլիսի ժամանակ։
Նա ընդգծել է, որ Զելենսկին, չգիտի, թե որտեղ է գտնվում ԱՄՆ-ի տված միջոցների կեսը։
«Գիտե՞ք, ևս մեկ բան, որն ինձ վաղուց է անհանգստացնում։ Զելենսկին, կարծեմ, անցյալ շաբաթ ասաց, որ չգիտի, թե որտեղ է մեր տված գումարի կեսը։ Ես կարծում եմ, որ Եվրոպան Ուկրաինային տվել է 100 միլիարդ դոլար, իսկ մենք, ասենք, ավելի քան 300 միլիարդ։ Բայց որտե՞ղ է այն գումարը, որ տրվել է։ Ո՞ւր են գնում։ Ես երբեք չեմ տեսել որևէ հաշվետվողականություն այս մասին»,- ասել է Թրամփը։
Նախագահի պաշտոնը ստանձնելուց հետո Թրամփը հայտարարել է, որ ԱՄՆ-ը 200 միլիարդ դոլար ավելի է ծախսել Ուկրաինային ռազմական աջակցության վրա, քան ՆԱՏՕ-ի մյուս երկրները:
Զելենսկին փետրվարի սկզբին նշել էր, որ չգիտի, թե ուր են գնացել այդ գումարները։ Նրա խոսքով՝ Ուկրաինան ԱՄՆ-ից ստացել է ընդամենը ավելի քան 75 մլրդ դոլար։