պարտավոր է բացել հաղորդակցությունները, սակայն դեռ չի անում իր պարտավորվածությունները: Այս մասին գրում է Avertag.az ադրբեջանական լրատվականը։
Ադրբեջանի ԱԳՆ խոսնակ Այխան Հաջիզադեն, արձագանքելով Հայաստանի վարչապետի՝ Armenpress լրատվական գործակալությունում հրապարակված հոդվածին, նշել է, որ Հայաստանը, մոտ 30 տարի օկուպացրել է Ադրբեջանի միջազգային մակարդակով ճանաչված տարածքները և շրջափակման մեջ է պահել Նախիջևանի Ինքնավար Հանրապետությունը ու վերջին չորս տարիների ընթացքում չի նպաստել հաղորդակցությունների բացման իրական բանակցային գործընթացին։
Նրա խոսքով, չնայած Հայաստանը տեղյակ է Ադրբեջանի արևմտյան շրջանները Նախիջևանի Ինքնավար Հանրապետության հետ կապող հաղորդակցությունները բացելու վերաբերյալ գրավոր և ստորագրված պարտավորություններին, դրանք դեռևս չի կատարել՝ առաջ քաշելով բարդ, գործնականում դժվար իրագործելի և երկարատև երթուղիների ծրագրեր, որոնք միայն շեղում են գործընթացը։
Հաջիզադեն ընդգծել է, որ եթե հայկական կողմն իսկապես շահագրգռված է տարածաշրջանում հաղորդակցությունների բացմամբ, ապա նա չպետք է խուսափի իր պարտավորություններից, այլ պետք է գործնական քայլեր ձեռնարկի՝ հաշվի առնելով տարածաշրջանային նոր իրողությունները։