«Այստեղ ենք, որպեսզի աշխարհը իմանա, թե ինչ են արել թուրքերը հայերի հետ և ինչպես 110 տարի հետո էլ բան չի փոխվել»,-ծիծեռնակաբերդում հայտարարեց արգենտինահայ Խուան Պաբլո Վիչիջյանը։
Նա նշեց, որ ցեղասպանության զոհերի հիշատակը ոգեկոչելու համար հուշահամալիր է այցելել արգենտինացի և բրազիլացի լրագրողների և փաստաբանների հետ, որոնք իրենց երկրներում ներկայացնում են հայ ժողովրդի իրավունքները։
Խուան Պաբլո Վիչիջյանը հայտարարեց, որ աշխարհը պետք է արձագանքի հայոց ցեղասպանության փաստին, նրան, որ Թուրքիայի քաղաքականությունը չի փոխվել, բայց այսօր առաջնային է համարում գումարը, շահը և մարդկային արժեքները մի կողմ է դրել, այդ պատճառով էլ դեռ կատարվում են ցեղասպանություններ։
Նա նշեց, որ Արցախում էլ ցեղասպանություն է կատարվել և փորձում են այնտեղից ջնջել հայկական ինքնությունը։