Ակտիվիստ Արթուր Չախոյանը քիչ առաջ Մասիվի թաղապետ Տիգրան Տեր-Մարգարյանի և իր աշխատակիցների կողմից դաժանաբար ծեծի ենթարկվեց։ Մասիվի թաղապետը բռունցքներով հարձակվեց Չախոյանի վրա։ Այս մասին գրում է armlur.am-ը։
Նոր Նորք վարչական շրջանի ղեկավար Տիգրան Տեր-Մարգարյանը և թաղապետարանի աշխատակցիները ծեծի ենթարկեցին ակտիվիստ Արթուր Չախոյանին:
Armlur.am-ի հետ զրույցում Արթուր Չախոյանը հայտնեց, թե ինչու է որոշել մասնակցել թաղապետարանում ընթացող հանրային քննարկմանը: Նա նշեց, որ իր տան հարևանությամբ 18 հարկանի բնակարան են ուզում կառուցել, որն անհամադրելի է տարածքի հետ:
Չախոյանը բարձրացավ թաղապետարան, ապա ասաց, որ ցանկանում է խոսել վարչական շրջանի ղեկավարի հետ: Նրան ասացին, որ դա հնարավոր է առանց տեսախցիկների, ինչին համաձայնեց ակտիվիստը: Սակայն հետո աշխատակիցներից մեկը Չախոյանին ասաց՝ դու լավ տղա չես, ինչին ի պատասխան վերջինը նշեց, թե նա չի լավ տղան: Դրանից հետո Տեր-Մարգարյանը և մյուս աշխատակցիները սկսեցին ծեծի ենթարկել նրան, ինչը ֆիքսել է Аrmlur-ի տեսախցիկը:
***
Ակտիվիստ Արթուր Չախոյանը քիչ առաջ Նոր Նորքի թաղապետ Տիգրան Տեր-Մարգարյանի և աշխատակիցների կողմից դաժանաբար ծեծի ենթարկվեց։
Ծեծկռտուքից հետո նրանք մասնակցում են քննարկման։
***
Ծեծի ենթարկված ակտիվիստ Արթուր Չախոյանին ոստիկանները բերման ենթարկեցին։
Ոստիկանական պաշտոնյան այլ մանրամասներ չհայտնեց, թե ինչու են միայն Չախոյամին բերման ենթարկում, իսկ մյուս պաշտոնյաններին՝ մասնավորապես, ծեծի մասնակից Տիգրան Տեր-Մարգարյանին՝ ոչ։
Ասացին, որ Նոր Նորքի ոստիկանության բաժին են տանում Չախոյանին։
«Մինչև վերջ գնալու եմ»,- ոստիկանական մեքենայից հայտարարեց ակտիվիստը։