ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը NEWS.am-ի հետ զրույցում մանրամասներ ներկայացրեց այսօր իր մասնակցությամբ տեղի ունեցած ավտովթարից:
«Հանդիպակաց կողմից էդ մեքենան խփեց մոտ երեք մեքենայի, 4-րդ մեքենան մենք էինք: Մերը թեթեւ է վնասվել»,-ասաց նա:
Պատգամավորը հավելեց, որ առաջին մեքենայում կար վիրավոր, տեղափոխեցին հիվանդանոց:
Ավելի վաղ NEWS.am-ը հայտնել էր, որ այսօր առավոտյան Երեւանի լենինգրադյան փողոցում ավտովթար է տեղի ունեցել՝ 4 ավտոմեքենաների մասնակցությամբ: Իրար են բախվել «Օպել», «Կիա», «Մերսեդես» եւ «Լեքսուս» մակնիշի ավտոմեքենաները:
«Լեքսուս» մակնիշի 111 OO 12 համարանիշներով ավտոմեքենայում գտնվել է ԱԺ ՔՊ խմբակցության պատգամավոր Գագիկ Մելքոնյանը:
Նշենք, որ ամենաքիչը տուժել է Գագիկ Մելքոնյանի ավտոմեքենան, քանի որ նա եղել է ամենավերջինը եւ աննշան է վնասվել: Ավելի ուշ Գագիկ Մելքոնյանը մեկ այլ ավտոմեքենայով հեռացավ դեպքի վայրից: