Իսրայելի վարչապետ Բենիամին Նեթանյահուն խոստացել է հստակ և բազմակողմանի պատասխան տալ հութիների հարձակմանը, որը տեղի էր ունեցել Բեն Գուրիոն օդանավակայանի տարածքում։
«Մենք արդեն գործել ենք նրանց դեմ նախկինում և նորից կգործենք ապագայում, բայց չեմ կարող մանրամասները բացահայտել։ Խոսքը մեկ հարվածի մասին չէ, այլ բազմաթիվ հարվածների»,- ասել է նա տեսաուղերձի ժամանակ։
Իսրայելի պաշտպանության նախարարը՝ Իսրայել Կացը, նույնպես զգուշացրել է, որ կպատասխանեն ուժեղ հակահարվածով։
«Ով մեզ հարվածի, յոթ անգամ ավելի ուժեղ հարված կստանա»,- մեջբերել է նրա խոսքը AFP գործակալությունը։
Հիշեցնենք, որ դրանից առաջ Եմենից արձակված հրթիռը ընկել էր Թել Ավիվում գտնվող Բեն Գուրիոն միջազգային օդանավակայանի տարածքում։ NDTV-ի տվյալներով՝ հրթիռը ընկել է այդտեղից մոտ 75 մետր հեռավորության վրա, իսկ պայթյունից առաջացած փոսը եղել է շուրջ 25 մետր խորությամբ։ Դեպքի պատճառով մի շարք ավիաընկերություններ ժամանակավորապես դադարեցրել են թռիչքները դեպի Իսրայել։