ԱԺ նախագահ Ալեն Սիմոնյանն արդեն տեղյակ է, որ «Պատիվ ունեմ» խմբակցությունից 5 պատգամավոր արդեն միացել է վարչապետին անվստահություն հայտնելու գործընթացին։
«Քաշվանք, բա հիմա ի՞նչ ենք անելու, աննախադեպ մի բան, չորս տարի անց… չէի սպասում, անկեղծ»,- լրագրողների հետ զրույցում հայտարարեց Սիմոնյանը։
Հիշեցնենք՝ ԱԺ «Պատիվ ունեմ» խմբակցությունը հայտարարել է, որ առանց որևէ նախապայմանի պատրաստ է աջակցել վարչապետի անվստահության գործընթացին։
***
ԱԺ նախագահ Ալեն Սիմոնյանը չի հասկանում, թե ինչ նկատի ունեն, երբ ասում են, որ ՔՊ-ն Գյումրիում ուզում է գողանալ Մարտուն Գրիգորյանի խմբակցության անդամին։
«Իշխանափոխություն անելու համար պետք է այդ մեկ հոգո՞ւն գողանալ, որ դա լինի, լո՞ւրջ»,- լրագրողների հետ զրույցում ասաց նա։
Սիմոնյանի խոսքով՝ ոչ մեկ ոչ մեկին չի գողանում, ՔՊ-ն այդ մարդու հետ որևէ կապ չունի։
«Ասեմ ավելին, ցանկություն էլ չունի որևիցե կապ ունենալու, գյումրեցին կատարել է իր ընտրությունը, մենք գյումրեցուն թողնում ենք իր ընտրության հետ, տեր ենք կանգնում մեր ձայներին, վերջիվերջո, մենք առաջին տեղն ենք զբաղեցրել»,- նշեց նա։