Տիկին Վարդապետյան, ինձ թվում է Դուք անելիք ունեք, մայիսի 9-ին Հանրային հեռուստատեսությամբ 44 օրյա պատերազմի կեղծ լուրերի մունետիկի՝ Արծրուն Հովհաննիսյանի հայտարարությունների վերաբերյալ իրականացնել իրավական ուսումնասիրություն: Այս մասին, այսօր՝ մայիսի 12–ին, ԱԺ-ում ՔԿ 2024 թ-ի գործունեության հաղորդումը քննարկելու ընթացքում ասաց Աժ «Հայաստան» խմբակցության պատգամավոր Արծվիկ Մինասյանը, անդրադառնալով մայիսի 9–ին Հանրային հեռուստաընկերության եթերում ՊՆ մամուլի նախկին խոսնակ Արծրուն Հովհաննիսյանի հայտարարություններին:
«Գնահատական հնչեցրեք հատկապես մարդկության դեմ իրականացրած հանցագործություն կատարած նացիստական Գերմանիայի և Հիտլերի կառավարման ռեժիմն արդարացնելու կամ վտանգավորությունը մեղմացնելուն ուղղված գործողությունների, ու ոչ ավել ոչ պակաս խեղաթյուրելով ողջ պատմությունը։ Հլա մի հատ էլ հայերիս էմոցիոնալ ֆոնը բարձրացնելու համար հայտարարում է, թե հիտլերյան Գերմանիան անկախ Հայաստան էր ուզում, ընդ որում՝ մեր պատմական Հայաստանն էր ուզում կերտել», -ասաց Մինասյանը:
Հիշեցնենք, որ Պետրոս Ղազարյանի հետ հարցազրույցում Արծրուն Հովհաննիսյանն ասել էր. «Թուրքիան Գերմանիայի հետ ուներ չեզոքության որոշակի պայմանագիր և որոշակի նյութեր էր մատակարարում։ Բայց հարցն այն է, որ Թուրքիան այդ ժամանակ որևէ էական ուժ չուներ հարձակվելու Կովկասում՝ նոր ճակատ բացելու, դա միֆ է։ Կան արխիվային փաստաթղթեր։ Դրան հակառակ Գերմանիան ուներ ծրագիր՝ մշակված հստակ ծրագիր էր։ Եվ այդ ծրագիրը ենթադրում էր, որ եթե Գերմանիան Ստալինգրադից հետո իջնի Կովկաս, վերցնի Կովկասը, ապա պիտի Բուլղարիայից որոշակի դիվիզիաներ, ցամաքային զորքեր, այդ թվում նաև՝ անկախ Հայաստանից արդեն նաև հայկական լեգեոները, որի մասին գիտեք՝ Գարեգին Նժդեհ, Դրաստամատ Կանայան, այդ ուղղությամբ աշխատում էին գերմանացիների հետ, որպեսզի ռազմագերիության կարգավիճակ ունեցող հայերից ձևավորեն հայկական լեգեոն և որոշակի ձևավորված հայկական լեգեոներ կային, որոնք ոչ մի լուրջ էական գործողություն չեն արել իրական մարտական դաշտերում։ Բայց եթե նման բան լիներ, պիտի և ՛ Հայաստանից, և ՛ Բուլղարիայից գերմանացիները ներխուժեին գրավեին Թուրքիան։ Այդծրագիրըենթադրումէր նաև միացյալ պատմական Հայաստանի ստեղծում»:
***
Ակնհայտ է, որ դուք դիվահարվում եք, երբ խոսքը կոռուպցիայի մասին է գնում: Այս մասին, այսօր՝ մայիսի 12–ին, ԱԺ նիստում հայտարարեց «Հայաստան» խմբակցության քարտուղար Արծվիկ Մինասյանը։
Նա նշեց, որ ՔՊ խմբակցությունը բուռն արձագանքում է երբ ընդդիմությունը հարցնում է,թե ինչ եք արել կոռուպցիան բացահայտելու համար։
Նշելով, որ իշխանությունները իրենց առաջնորդի բերանով ԱԺ ամբիոնից հայտարարում են, թե ժողովուրդն իրեն հարցնում է, թե ինչու նախկին նախարարները բանտարկված չեն՝ ընդդիմադիր պատգամավորն ասաց. «Քաղաքացիները ինձնից էլ պահանջում են, թե ինչու օրենսդրական փոփոխություն չենք առաջարկում բարձրագույն պաշտոնատար անձանց հոգեբուժական բժշկական քննություն անցկացնելու պահանջը դնել և պարբերաբար այդ պահանջով առաջնորդվել»։
Մինասյանը հարց հնչեցրեց, թե օրենսդիր մարմնի գործառույթների առումով ո՞րն է ընդունելի՝ նման օրենսդրական նախաձեռնությամբ առաջնորդվելը, թե՞ արդարադատության ֆունկցիան վերցնելը։
«Ոչ ավել, ոչ պակաս, իմ անձի վրա կառուցում են հակակոռուպցիան քաղաքականություն»,-ասաց Մինասյանը և հիշեցրեց, որ ՔՊ-ական պատգամավորները վկայակոչում են իր 2016 թվականի մեքենան և փորձում են ապօրինի գույքն ամբողջությամբ վերագրել ընդդիմադիր խմբակցություներին, թե իբր ՔՊ-ն հայցվոր կողմ է, ընդդիմությունը՝ պատասխանող, Գլխավոր դատախազին էլ մեջբերում են անում։
Մինասյանը հայտնեց, որ ապօրինի գույքը պետք է իրավունքի ուժով բռնագանձվի և ՍԴ-ն տվել է երկու ճշգրտում որը հետագայում պետք է գալու ՔՊ-ականներին և շեշտեց, որ ապօրինի գույքի բռնագանձումը պետք է ոչ թե անցյալ ժամանակով դիտարկել, այլ անցյալ-կատարյալով։
Հարցնելով, թե Մոնումենտում հայտնի Հովիկ Աբրահամյանի առանձնատունը հիմա ում է պատկանում, ինչու պետությանը չէ։
«Երբ հայտարարում էիք, որ ապօրինի գույքը վերադարձվելու է ժողովրդին, ժողովուրդը դրանից քոռ կոպեկ ստացե՞լ է, ուր են այդ գույքերը»,-հայտարարեց Արծվիկ Մինասյանը և հորդորեց գնալ Արշակունյաց և Տիգրան Մեծ փողոցներ և տեսնել, թե ովքեր են, որ դարձել են մեծահարուստներ և պետք է պարզել, թե ապօրինի բիզնեսի մեջ այսօրվա իշխանությունների և նրանց հետ աֆիլացված անձանցից քանի քանիսը կան, ինչն անպայման կբացահայտվի։
«Հայաստան» խմբակցության քարտուղարը հայտարարեց, որ կոռուպցիան իշխանության ծնունդ է, չի կարող կպնել միայն ընդդիմությանը, այլ իշխանության թևի տակ մեծացող օլիգարխիան է կոռուպցիայի աղբյուրը։
Արծվիկ Մինասյանը նաև հայտարարեց, որ իշխանափոխությունից հետո պարզ կլինի թե, ով է ՔՊ-ականներից ԱԺ-ում եղել մաքուր։