Հայաստանի հավաքականի նախկին ավագ Հենրիխ Մխիթարյանը կարող է դառնալ առաջին ֆուտբոլիստը, որը նվաճել է ՈւԵՖԱ-ի բոլոր ակումբային մրցաշարերի տիտղոսները: Այս մասին գրում է ՈւԵՖԱ-ի պաշտոնական կայքը:
Նշվում է, որ դա հնարավոր կլինի միայն Չեմպիոնների լիգայի եզրափակիչում ՊՍԺ-ի նկատմամբ Միլանի «Ինտերի» հաղթանակի դեպքում:
2016/2017 մրցաշրջանում Մխիթարյանը «Մանչեսթեր Յունայթեդի» կազմում հաղթել է Եվրոպայի լիգայում, իսկ 2021/2022 մրցաշրջանում «Ռոմայի» կազմում դարձել է Կոնֆերենցիաների լիգայի հաղթող:
Նախկինում որևէ ֆուտբոլիստի դա չի հաջողվել։
Նշենք, որ «Ինտերը», որի կազմում հանդես է գալիս Մխիթարյանը, դուրս է եկել ՈւԵՖԱ-ի Չեմպիոնների լիգայի եզրափակիչ: Եվրագավաթի հեղինակավոր մրցաշարի կիսաեզրափակիչում «Ինտերը» հաղթել է «Բարսելոնային» (3:3 և 4:3):
Աղբյուրը՝ arm.sputniknews.ru