Իրանը թույլ չի տա թշնամիներին փչացնել իր ռազմավարական հարաբերությունները Հայաստանի հետ, հայտարարել է Իրանի Ազգային անվտանգության գերագույն խորհրդի քարտուղար Ալի Աքբար Ահմադիանը։ Այդ մասին ասվում է իրանական tasnim լրատվական գործակալության տարածած հաղորդագրության մեջ;
Կիրակի օրը Թեհրանում ՀՀ Անվտանգության խորհրդի քարտուղար Արմեն Գրիգորյանի հետ հանդիպման ժամանակ Ահմադիանն ասել է, որ Իրանի և Հայաստանի միջև «ռազմավարական հարաբերությունները» և բոլոր ոլորտներում սերտ համագործակցությունը կնպաստեն տարածաշրջանային խաղաղությանը և կայունությանը։
Նա ասել է, որ Իրանը թույլ չի տա, որ թշնամիները որևէ վնաս հասցնեն երկու հարևանների միջև եղած լավ հարաբերություններին։
Ընդգծելով Իրանի քաղաքականությունը՝ պահպանելու սերտ կապերը բոլոր հարևանների հետ՝ Ահմադիանն ասել է, որ արտաքին կողմերը շահագրգռված չեն ամբողջ տարածաշրջանի խաղաղությամբ։
Իրանցի պաշտոնյան նաև ընդգծել է Թեհրանի և Երևանի միջև համատեղ նախագծերի լիարժեք իրականացման անհրաժեշտությունը։
Իր հերթին, Գրիգորյանը իր գոհունակությունը հայտնեց Իրանին իր երկրին աջակցելու համար։