Ռուս քաղաքագետ և Մերձավոր Արևելքի հարցերով փորձագետ Օլեգ Մակարենկոն Alpha News-ի հետ զրույցում մեկնաբանել է Իրանի և ԱՄՆ-ի դիմակայությունը և Իսրայելի հնարավոր հարվածը իրանական միջուկային օբյեկտներին:
«Շատ դժվար է հիմա ասել, թե ինչի կարող է հանգեցնել Իրանի և ԱՄՆ-ի դիմակայությունը։ ԱՄՆ-ն ցանկանում է Մերձավոր Արևելքից իր «մերձակա բակը»։ Արաբական երկրներին ներքաշելով երկարատև տեխնիկական և ռազմական համագործակցության մեջ՝ նրանց ներգրավում է իր ուղեծիր։ Միակ պետությունը, որը չկա այդ ուղեծրում, Իրանն է։ Իրանի կողմից միջուկային զենքի ստեղծումը նրան հնարավորություն կտա բավական լուրջ դիմակայել ԱՄՆ-ին և Մերձավոր Արևելքում նրա էքսպանսիային։ Իսկ ի՞նչ է ուզում ԱՄՆ-ն։ ԱՄՆ-ն շատ լավ հասկանում է, որ եթե Իրանը միջուկային զենք ստեղծի, ապա դա ոչ միայն կսպառնա Իսրայելին, այլև կսպառնա, մասնավորապես, Սաուդյան Արաբիայի մոտ նույն զենքի ստեղծմամբ: Սա նշանակում է, որ ԱՄՆ-ն մեկ իրական, անկախ, ինքնիշխան խաղացողի փոխարեն ստանում է մի քանիսը: Եվ հետո հարց է առաջանում՝ արդյո՞ք Սաուդյան Արաբիան կգտնվի ամերիկյան քաղաքականության ուղեծրում՝ ունենալով միջուկային զենք և լինելով բացարձակ ինքնիշխան իր որոշումներում և կարողություններում: Պատասխանը՝ ոչ»,-ասել է փորձագետը։
Քաղաքագետի կարծիքով՝ Իսրայելի միջոցով ԱՄՆ-ն բլեֆ է անում՝ հարվածելով Իրանին, իսկ Իսրայելին Իրանի պատասխանի դեպքում պաշտոնական Թել Ավիվի համար հետևանքներն աղետալի կլինեն:
«Իրանի պատասխան հարվածն Իսրայելի ենթակառուցվածքներին ուղղակի աղետալի կլինի։ Ես կարծում եմ, որ դա բլեֆ է, Թրամփի խաղի տարրերից մեկը, որպեսզի Իրանին նստեցնի բանակցությունների սեղանի շուրջ։ Բացի այդ, ստիպի ստորագրել միջուկային համաձայնագիրը։ Առանց ԱՄՆ-ի համաձայնության՝ Իսրայելը երբեք դա չի անի։ Իսրայելն այնքան էլ ինքնիշխան չէ, քանի որ զենքի նույնիսկ 70%-ը գալիս է ԱՄՆ-ից: Չէ՞ որ հենց Իսրայելն էր մեղադրում Բայդենին, որ իրեն զենք չի տվել Գազայի հատվածի և Լիբանանի խնդիրներն ամբողջ ծավալով լուծելու համար առաջին ամիսներին կամ նույնիսկ, կարելի է ասել, հոկտեմբերի 7-ից հետո ռազմական գործողությունների առաջին տարում։ Հարվածել, սկզբունքորեն, կարող է, բայց աղետալի պատասխան կստանա»,-նշել է Մակարենկոն։
Մանրամասները՝ տեսանյութում