Պակիստանի վարչապետ Շահբազ Շարիֆը օկուպացված Արցախի Բերձոր քաղաքում հայտարարել է, թե, իբր, Ադրբեջանը հարձակման է ենթարկվել Հայաստանի կողմից:
«Թուրքիան և Պակիստանը ժայռի պես ամուր կանգնած էին Ադրբեջանի կողքին։ Երբ Պակիստանը հարձակման ենթարկվեց Հնդկաստանի կողմից, իմ սիրելի եղբայր Ռեջեփ Թայիփ Էրդողանը և Թուրքիայի մեր քույրերն ու եղբայրներն առանց հապաղելու աջակցեցին մեզ: Իրենց համերաշխությունը հայտնեցին նաև իմ սիրելի եղբայր Իլհամ Ալիևը և ադրբեջանցի մեր եղբայրներն ու քույրերը։
Սա մեր պատմության այն գեղեցիկ պահերից է, երբ երեք եղբայրական երկրները համախմբվել են որպես մեկ ընտանիք։ Նրանք միավորվել են դժվարին ժամանակներում, և մենք դա երբեք չենք մոռանա: Ես երբեք չեմ կարող հատուցել իմ եղբոր՝ նախագահ Էրդողանի և, իհարկե, իմ սիրելի եղբոր՝ նախագահ Իլհամ Ալիևի աջակցության համար»,- ասել է Պակիստանի վարչապետը։
Հիշեցնենք, որ օկուպացված Արցախում են Թուրքիայի նախագահ Ռեջեփ Թայիփ Էրդողանը և Պակիստանի վարչապետ Շահբազ Շարիֆը: Նրանք արդեն հայտարարել են «Երեք պետություն՝ մեկ ազգ» օրակարգի մասին։