Վաշինգտոնին նախապես նախազգուշացրել էին ՌԴ Ռազմատիեզերական ուժերի ռազմավարական ավիացիայի բազայի վրա Կիևի հարձակման մասին, որը կրում է «Սարդոստայն» ծածկանունը, գրում է Axios գործակալությունը՝ վկայակոչելով ուկրաինացի պաշտոնյայի:
Նշվում է, որ մանրամասները համաձայնեցվել են MI6 բրիտանական հետախուզության հետ, և աննախադեպ հարված է հասցվել Ռուսաստանի Ռազմատիեզերական ուժերի չորս ռազմավարական օդանավակայաններին Մուրմանսկի, Իրկուտսկի, Ռյազանի և Իվանովոյի մարզերում, գրում է ամերիկյան Axios պարբերականը:
Ուկրաինայի անվտանգության խորհրդի աղբյուրը, որին մեջբերում Է Axios-ը, պնդում է, որ «ոչնչացվել է ավելի քան 40 ինքնաթիռ»:
Ավելի ուշ Axios-ը փոխել է հոդվածի տեքստը, որում ասվում էր, որ Ուկրաինան, իբր, նախազգուշացրել է ամերիկյան վարչակազմին Ռուսաստանի դեմ այսօրվա հարձակման մասին: