«Եթե Ուկրաինայում հակամարտությունը դադարեցվի առաջնագծում և իրական խաղաղության վերաբերյալ համաձայնության չհասնենք, այս տարածաշրջանը կվերածվի «հսկայական Ղարաբաղի»,-հայտարարել է Ռուսաստանի նախագահի օգնական և Ստամբուլի բանակցություններում ռուսական պատվիրակության ղեկավար Վլադիմիր Մեդինսկին։
«Եթե հակամարտությունը դադարեցվի առաջնագծում և իրական խաղաղության վերաբերյալ համաձայնության չհասնենք, միայն ինչ-որ տեսակի զինադադար, հրադադար լինի, կամ էլի ինչ որ բան, ապա դա կլինի… գիտեք, Հայաստանի և Ադրբեջանի միջև վիճելի տարածաշրջան կար՝ Ղարաբա՞ղը։ Այդ դեպքում այս տարածաշրջանը կվերածվի հսկայական Ղարաբաղի։ Որոշ ժամանակ անց Ուկրաինան՝ ՆԱՏՕ-ի հետ միասին, իր դաշնակիցներով (միանալով ՆԱՏՕ-ին), կփորձի այն վերագրավել, և դա կլինի մոլորակի վերջը։ Դա կլինի միջուկային պատերազմ», – ասել է Մեդինսկին RT-ին տված հարցազրույցում։
Պուտինի օգնականի խոսքով՝ Ռուսաստանը չի ցանկանում, որ նրանք «ստեղծեն պատրվակ՝ հսկա Ղարաբաղ, որը ոչ մեկի կողմից չի ճանաչվել, որի պատճառով կարող է սկսվել միջուկային պատերազմ»։
«Ահա թե ինչու մենք ուզում ենք դադարեցնել, կնքել լիարժեք խաղաղություն և ճանաչել նոր տարածքները», – ասել է Մեդինսկին։