Իրանը պլանավորում է հարվածել Մերձավոր Արևելքում գտնվող ամերիկյան բազաներին, հաղորդում է Fars-ը՝ հղում անելով ռազմական հրամանատարության ծրագրերին ծանոթ աղբյուրին։
«Սիոնիստական ռեժիմի ագրեսիայով սկսված պատերազմը կտարածվի այս ռեժիմի կողմից օկուպացված բոլոր տարածքների և տարածաշրջանում գտնվող ամերիկյան բազաների վրա։ Ագրեսորները կստանան վճռական և լայնածավալ պատասխան Իրանից», – ասել է գործակալության աղբյուրը։
Այն նաև նշել է, որ «սկսված այս դիմակայությունը չի ավարտվի երեկ երեկոյան ձեռնարկված քայլերով, հարվածները կշարունակվեն»։